XX. mendeko Euskararen Corpus estatistikoa
Testuingurua
1. ProiektuaKOMIKIA, MUNDU IREKIA
Komikigintza jardukizun berri samarra izango da gelan seguru aski.
Ez beldurtu horrela bada.
Telebistako marrazki bizidunen egileek, aldizkarietako paperezko istorio-pertsonaia sortzaileek nahiz publizitatea asmatzen dutenek horrelakoxe marrazki lotsatiak egitetik abiatu ziren.
Komikiak marrazkigintza dauka, jakina; baina baita testua eta gidoia ere, asmo bat erakutsiz: bi-biak biltzen eta erabiltzen ikasi behar dela, hau da, marrazkiak eta aldez aurretik pentsatutako pertsonaia, gidoia eta asmoa.
Komikigintzako ariketa asko bat-banaka egin beharrekoak dira, nork bere trebakuntza egin behar baitu, marrazkigintzan lehenik eta gidoigintzan ondoren.
Badira taldean ulertu, hitzegin eta gidoia behintzat osatzeko aukera ematen duten lanak ere.
PROZEDURA:
Komiki laburretan:
- Lana taldez talde banatu.
- Gaia eta pertsonaiak aukeratu.
- Gidoia finkatu.
- Denek
- Ondoren, kritikatu eta eztabaidatu.
- Gelakideei erakutsi.
Marrazkigintzak eramango du denborarik luzeena dudarik gabe; baina testua, pertsonaien zehazte psikologikoa eta gidoia ezin dira ahaztu.
EBALUAZIO IRIZPIDEAK:
- Lanen antolakuntza: arretaz eta pentsatuta dagoen begiratu.
- Nola gauzatu den, aberastasunik dagoen, hobetze ahalegin seriorik erakusten duen.
- Helburuak bete dituen eta zenbateraino; seriotasunik duen; taldekide guztiak ahalegindu diren.
Ez ahaztu, marrazkiari zor zaion garrantzia kendu gabe, gidoia ere baloratu beharra dagoela, eta arretaz zaindu beharra.